روجينا: قضية مسلسل “حسبة عمري” وجعت قلبي!
قالت الفنانة روجينا إن مسلسل "حسبة عمري" الذي تشارك في بطولته هذا الموسم، يناقش واحدة من أهم القضايا الاجتماعية التي تمس حياة كثير من النساء في مصر والعالم العربي، وهي قضية حقوق المرأة بعد سنوات طويلة من الزواج.
وأضافت روجينا، خلال حديثها مع الإعلامية بوسي شلبي في برنامج "ليالي Ten" المذاع على قناة Ten: "هو ده القوة الناعمة، إنك تتكلمي في قضية صعبة جدًا وتوصليها للناس بطريقة لطيفة تمس قلوبهم وتخليهم يقعدوا يفكروا فيها".
وتابعت: "أنا بتمنى يبقى فيه قانون للكد والسعاية للمرأة، وسعادتي الحقيقية في المسلسل ده إن الناس بدأت تتكلم في الموضوع، وإن ستات كتير بقوا يقولوا (إحنا فعلاً من حقنا بعد العشرة الطويلة يكون لينا جزء من هذه المسيرة ونعيش بكرامة)".
وكشفت روجينا أن القضية وجعت قلبها أثناء التحضير للدور، وقالت: "أنا لما بذاكر بروح لشخصيات حقيقية حصلها كده، وقعدت مع ستات عندهم نفس المشاكل باختلاف الدرجات، على فكرة فيه ستات أغنياء جدًا حصلهم كده، وفيه ستات فعلاً معندهمش مكان يقعدوا فيه".
وأشارت إلى أن لديها صديقات مررن بنفس التجربة، وأضافت: "عندي صحاب رفضوا الطلاق وقرروا يعيشوا مذلولين تحت رحمة رجل بيعمل فيهم اللي هو عايزه علشان معندهمش مكان يروحوا له".