صفاء الطوخي: عادل إمام قال لي "أنا اللي المفروض أخاف منك"

أشادت الفنانة صفاء الطوخي بالنجم الكبير عادل إمام، واصفة إياه بـ"الأستاذ الحقيقي" في عالم الفن، ليس فقط لما قدّمه من تاريخ فني عظيم، بل لما يتمتع به من مهنية عالية وفهم عميق للشخصيات والدراما.

وقالت صفاء الطوخي، خلال حديثها في برنامج "الستات" المذاع على قناة "النهار": "أستاذ عادل إمام فعلا هو الأستاذ، مش هتكلم عنه كتاريخ، لكن عن شغله في اللوكيشن، لأنه كان ملتزم جدًا ومهني بشكل غير طبيعي، كان فاهم الشخصية وبيفهم اللي قدامه وبيسنده، خاصة لو اللي قدامه أصغر منه سنًا أو مقاما".

وروت موقفًا جمعها بالزعيم خلال تصوير مسلسل "أستاذ ورئيس قسم"، قائلة: "قال لي وقتها، أنتي ليه خايفة؟ ده أنا اللي المفروض أخاف منك"، مشيرة إلى أن هذا التواضع والدعم هو ما يميز الفنان الحقيقي.

وأضافت: "عادل إمام كان منتبه لكل التفاصيل ولكل الشخصيات اللي بتشتغل معاه، وكان دايمًا فاهم الشارع عاوز إيه، عشان كدة ما فيش حاجة اسمها أستاذ من فراغ، هو كان فعلًا أستاذ بكل ما تحمله الكلمة من معنى".