"المطلقة مش درجة تانية"... سهير جودة ومفيدة شيحة: من حقها ترفض وتختار وتعيش بكامل الاستحقاق!
أثارت الإعلاميتان سهير جودة ومفيدة شيحة قضية اجتماعية حساسة تتعلق بنظرة المجتمع للمطلقة وحقها في اختيار شريك حياتها بحرية وكرامة، وذلك بعد تداول تعليق مسيء على مواقع التواصل الاجتماعي جاء فيه: "وهو انتي كمان مطلقة وعاوزة ترفضي!"، في إشارة إلى رفض امرأة مطلقة لشخص تقدم للزواج منها لأنه غير مناسب لها.
وعلّقت سهير جودة، خلال حديثها في برنامج "الستات" المذاع على قناة النهار، على هذه الظاهرة قائلة: "القصة دي مهينة جدًا وغير إنسانية، وكأن المطلقة لا تملك رفاهية الرفض، وكأنها لازم تقول الحمد لله على أي حد ييجي يخبط بابها! المطلقة مش وصمة ولا سُبة، دي إنسانة كاملة ومتكاملة، وتستحق كل خير، ومش المفروض تتعامل كأنها أقل من غيرها".
من جهتها، دعمت مفيدة شيحة هذا الرأي، ووجّهت رسالة مباشرة للسيدة التي كتبت المنشور قائلة: "لو شايفة العريس مش مناسب ليكي، فيه ألف واحد غيره، والمطلقة من حقها تختار وترفض، بل بالعكس، حظها أفضل لأنها جربت وعاشت وخدت قرار صعب زي الانفصال، وده معناه إنها واعية ومسؤولة، ولما تيجي تختار تاني، لازم تختار براحتها، ترفض براحتها، ولو وافقت واتضايقت، ترفض تاني".
وأضافت مفيدة: "المطلقة مش أقل من أي ست، بل عندها حرية أكتر، ومتتكسفيش من وضعك، اللي يهاجمك قولي له: 'أنا أحسن منك'".
واختتمت سهير جودة حديثها بالتأكيد على أن المطلقة ليست عبئًا ولا "درجة تانية"، بل شريكة في علاقة إنسانية تستحق الاحترام الكامل، قائلة: "اللي بيتجوز مطلقة لازم يكون واعي إنه داخل شراكة مش مجرد علاقة عاطفية، والمطلقة من حقها تاخد وش القفص مش أي حاجه تانية".