ميرنا نور الدين: اتعلمت أسوق "التروسيكل" بسبب "فهد البطل"!
كشفت الفنانة ميرنا نور الدين عن كواليس مشاركتها في مسلسل فهد البطل، معربة عن إعجابها الشديد بشخصية "كناريا" التي تقدمها ضمن أحداث العمل، ووصفتها بأنها مختلفة ولم تُقدَّم من قبل في الدراما المصرية.
وقالت ميرنا، خلال حوارها مع برنامج Its show time، المذاع على قناة الحياة: "أول ما قرأت شخصية كناريا شدتني جدًا، لأنها مختلفة، ومحدش سمع عنها أو شافها في الدراما قبل كده، اللي جذبني أكتر هو مهنتها، لأنها جديدة ومليانة تفاصيل إنسانية".
وأضافت: "كناريا مش صنايعية رخام زي ما البعض ممكن يفتكر، هي بتشيل الرتش وكسر الرخام من قدام الورش وبتبيعه وبتسترزق، وده باب رزقها اللي بتصرف منه على أهل بيتها".
وتابعت ميرنا حديثها عن التحضير للدور، قائلة: "اللي عجبني كمان إن كناريا بتسوق تروسيكل، وأنا فعلاً اتعلمت أسوق واحد لأول مرة، التروسيكل مانيوال مش أوتوماتيك، بس مش صعب، وكنت محتاجة أتمرن عليه كذا مرة علشان أعرف أتحرك بيه كويس قدام الكاميرا".