منة عرفة: دوري في "وتقابل حبيب" مليان مشاعر

أعربت الفنانة منة عرفة، عن سعادتها بتجسيد شخصية "شهد" في مسلسل وتقابل حبيب، مشيرة إلى أن الدور يحمل أبعادًا درامية وإنسانية قوية، ويمثل تحديًا تمثيليًا كبيرًا لها.

وقالت منة، خلال حوارها مع برنامج Its show time، المذاع على قناة الحياة: "شهد بنت جميلة وشقية ومش سهلة، لكنها بتحب حازم جدًا، حب حقيقي، صحيح هي من الخدم في البيت، لكنها عندها تطلعات ودايمًا حاسة إن ده مش مكانها، وده كمان سببه إن حازم شجعها وشاف فيها حاجة مختلفة".
 

وأضافت: "لما حازم غدر بيها وسابها، شهد بتتحول لشخصية تانية خالص، وبتبدأ تحارب عشان حبها، وعشان تثبت إن حياتها تستحق تكمل، شايفة إن شخصية شهد من أكتر الشخصيات اللي اتكتبت كويس في الورق، ويارب أكون قدرت أوصلها صح والناس تحس بيا كممثلة، مش كمنة الحقيقية".

وعن التحضير للدور، أوضحت منة أنها بدأت العمل على الشخصية من وقت مبكر، قائلة: "ابتدينا نحضّر بدري جدًا، وعملنا بروفات كتير مع أستاذ عمرو ياسين، والمخرج محمد الخبيري كان حريص جدًا على التفاصيل الصغيرة سواء في الكلام أو الأداء أو حتى تماثيل الديكور، وده فرق معانا جدًا في الشغل".