نهال طايل عن إطلالة محمد رمضان في أمريكا: دي فضيحة!
أعربت الإعلامية نهال طايل عن استيائها الشديد من الإطلالة المثيرة للجدل التي ظهر بها الفنان محمد رمضان مؤخرًا، معبرة عن صدمتها مما وصفته بأنه تجاوز غير مقبول، خاصة في ظل رفعه علم مصر خلال هذه الإطلالة.
وقالت نهال طايل، خلال حديثها في برنامج "تفاصيل" المذاع على قناة صدى البلد 2: "إيه اللي حسيته أنت بالفخر! وإيه الشكل ده! يا دي النيلة، لو تكون دي المفاجأة اللي أعلن عنها! إحنا بنودّي ولادنا فين؟! هل دي ضريبة محبتهم ليكم يعني؟".
وأضافت: "ليه بنعمل كده؟ هو إحنا بطلنا لبس الحلقات عشان ندخل على اللبس ده! إيه اللي وصلنا لكده؟! رايح تلبسه كمان ورافع علم مصر، يعني أنت هنا بتمثل الشعب المصري، طب تلبس اللي تلبسه، لكن سيب العلم في حاله. أنا مستغربة ليه بتعمل كده وبتزايد على مين؟".
وأشارت نهال طايل إلى أن جمهور محمد رمضان كان يأمل في عودته للطريق الصحيح، بعد النجاحات التي حققها مؤخرًا في الأعمال الدرامية، قائلة: "الناس كانت بتقول محمد رمضان بيرجع خلاص، وبيعمل مسلسلات ويرجع يلم العيلة قدامه. لكن أنت مصمم تهد كل خطوة ربنا بيبعتهالك!".
واختتمت نهال طايل حديثها برسالة حادة اللهجة، مؤكدة: "أنا مش هسمي دي إطلالة، لا دي فضيحة!".