فرح عزت: دنيا سمير غانم "ملهمة".. والعمل معها كان حلم يقظة!
أعربت الفنانة الشابة فرح عزت عن سعادتها الكبيرة بالعمل مع النجمة دنيا سمير غانم في مسلسل "عايشة الدور"، ووصفت التعاون معها بأنه "كان أشبه بحلم يقظة"، مضيفة: "الشغل معاها كان حقيقي شبه الأوبريت اللي بيخطفك بمزيكته وحالته، وهي موهبة وجمال وإنسانية متجمعين في شخص واحد، وده بيخلي أي حد يشتغل معاها يتعلم ويستمتع في نفس الوقت".
وأكدت فرح لـ"وشوشة" أن دنيا سمير غانم فنانة ملهمة بطبعها، متواضعة وقريبة من الجميع، وتدعم كل من حولها بمحبة واضحة، وقالت: "أكتر حاجة بتحببك في الشغل معاها إنها بتحب اللي بتعمله جدًا، وده بيعدي لك تلقائي، فتتعلم منها وأنت مبسوط.
وتابعت: "فخورة جدًا إني اشتغلت معاها، ومبسوطة إني كنت جزء من العمل ده".
وعن ردود الفعل التي تلقتها على دورها في المسلسل، كشفت فرح أنها فوجئت بحجم التفاعل والدعم من الجمهور، قائلة: “الناس كانت متعلقة بشخصيتي سالي وبفاطيمة بشكل مش متوقع”.
وأضافت أن أكثر ردود الفعل التي أثرت فيها كانت المرتبطة بالمشاهد بينها وبين والدتها ضمن الأحداث، حيث قالت: "الناس اتأثرت جدًا بالمشاهد دي، وفي ناس كتير شافت نفسها أو جزء من حياتها فيها، فكانت رسائلهم مليانة مشاعر إنسانية حقيقية".
وفي ما يخص الانتقادات التي وُجهت للمسلسل، أكدت “فرح” أنها تتعامل مع كل الآراء، سواء إيجابية أو سلبية، بشكل إيجابي وبنّاء، قائلة: “بحاول أتعلم من كل رد فعل، وكل رأي له احترامه”.
وتابعت: "كنت حريصة أستفيد من التجربة على كل المستويات، خاصة إن ده أول عمل لي، وكل خطوة فيه كانت مهمة.. الحمد لله، مع تطور الأحداث الناس بدأت تكتشف أبعاد الشخصيات وتتعاطف معاها أكتر، وده شيء أسعدني جدًا".