عمرو سعد: تعمدنا في "سيد الناس" تقديم بطل بلا أخطاء

كشف الفنان عمرو سعد عن كواليس تصميم شخصية البطل في مسلسل "سيد الناس"، مشيرًا إلى أنه حرص مع المخرج محمد سامي على تقديم بطل خالٍ من العيوب الدرامية التقليدية، ليظهر للجمهور بصورة مثالية تجسد القوة والنقاء في آن واحد.

وقال عمرو سعد، خلال حديثه في برنامج "يحدث في مصر" المذاع على قناة mbc مصر: "في سيد الناس، كان قرارنا واضحًا بأن البطل ميبقاش بيشرب سجاير مثلًا، وده مقصود عشان نخليه شخصية سادة مفيش فيها حاجة غلط أو سلوك سلبي، ولا حتى شبهة خطأ أو حاجة ضد مصلحة الإنسان، البطل بيرفض السرقة أو أي شغل حرام، وحتى لو أنا شخصيًا ممكن يكون عندي عيوب، البطل هنا مالوش أي عيوب".

وأضاف: "إحنا عاوزين البطل يوصل للناس كرمز للمعلم القوي، لأن الجمهور في كل مكان سواء في الأفلام الأمريكية أو الهندية أو العربية  بيحب البطل القوي، وفي نفس الوقت، مش عايزين نوصله بصورة مثالية جدًا زي شخصية أبو العلا البشري".

وأوضح أنه اتفق مع المخرج محمد سامي على هذه الرؤية، قائلاً: "محمد سامي كان عامل حسابه إن البطل ممكن يطلع علبة دهب فيها سجاير مثلاً كستايل للشخصية، لكننا قررنا نخلي البطل بشكل مثالي تمامًا، صحيح كنا نقدر نعمل حاجة لذيذة زي فيلم "العار" اللي كسر الدنيا، وكان فيه برضه قيمة إنسانية، لكن محمد سامي شاف إننا ناخد اتجاه مختلف تمامًا".