"أسفة لو زعلتك مني".. منة عرفة تشيد بـ إلهام شاهين وتعتذر لها
أشادت الفنانة الشابة منة عرفة بالفنانة إلهام شاهين وعبرت عن فخرها الكبير بها وحبها لأعمالها الفنية، مؤكدة أنها بالنسبة لها قيمة فنية كبيرة، فضلًا عن توجيه الاعتذار لها عن أي إساءة قد تكون وجهتها لها دون قصد.
وشاركت منة عرفة صورة للفنانة إلهام شاهين عبر حسابها على إنستجرام، وعلقت: "أستاذتنا و نجمتنا الكبيرة وقدوتنا اللي دايما بنفتخر بيها دايماً بكون مبسوطة و فرحانة بحضرتك لما بشوفك في أي احتفالية أو مهرجان أو تكريم لأنك بجد تستاهلي كل التقدير والاحترام والمحبة".
وتابعت "عرفة" حديثها موجهة لها الاعتذار عن مضايقتها وهو ما أثر تساؤلات الجمهور، حيث قالت: "أنا عايزة أستغل الأيام الجميلة المفترجة اللي إحنا فيها دلوقتي وأقولك كل سنة وحضرتك جميلة وقلبك طيب وجميل وأبيض زي ما اتعودنا عليه وناجحة وبخیر دايماً يا رب".
وأضافت: "واعتذرلك و أقولك أنا أسفة عن أي حاجة صدرت مني تجاه حضرتك في يوم من الأيام أنا مكنتش أقصدها، أنا بحبك وبحترمك جداً وبقدرك وبقدر فنك وإبداعك اللي كلنا كبرنا عليه واتعلمنا منه كتير وآخر حاجة بتنمنالك كل النجاح والتوفيق و كل الخير اللي في الدنيا لانك تستاهلي كل حاجة حلوة زيك".
يذكر أن آخر أعمال منة عرفة هو فيلم أسود ملون وشاركها في البطولة بيومي فؤاد، رنا رئيس، أحمد فتحي، ميس حمدان، محمود حافظ، محمد كيلاني ومن إخراج حسن البلاسي.