أحمد موسى ينتقد نظام البكالوريا الجديد: كل 3 سين هنغيّر نظام التعليم!

أعرب الإعلامي أحمد موسى، عن استيائه الشديد من إعلان وزارة التربية والتعليم عن تغيير نظام الثانوية العامة إلى نظام "البكالوريا المصرية" ابتداءً من العام المقبل.

وقال أحمد موسى: "مفيش حاجة اسمها كده! كل 3 سنوات نغيرنظام التعليم؟ ده عبث"

 موسي استنكر الأمر خلال برنامج “على مسؤوليتي” المذاع عبر قناة صدى البلد: "نظام البكالوريا ده حاجة كانت موجودة أيام الناس بتوع زمان اللي كانوا بيلبسوا الطرابيش الحمراء، إحنا كده بنرجّع التعليم لورا مش بنطلعه لقدام".

وانتقد موسى تأثير النظام الجديد على الطلاب قائلاً: "بدل ما الطالب كان بياخد حصة واحدة في الدرس، هيضطر ياخد أربع حصص! يعني بدل ما نخفف العبء على الطالب بنزوده".

وتساءل موسى عن أسباب التغيير المستمر في منظومة التعليم قائلاً: "ليه نغير النظام كل شوية؟! إحنا محتاجين استقرار وتطوير حقيقي في التعليم، مش تبديل الأنظمة كل كام سنة".

واختتم أحمد موسى حديثه بمطالبة الوزارة بمراجعة قراراتها ودراسة تأثير هذه التغييرات على الطلاب وأولياء الأمور، محذرًا من أن التعديلات المستمرة قد تؤدي إلى فشل تحقيق أي تقدم حقيقي في التعليم المصري.