أمير اختار الستات ومفيدة تعترض.. إعلاميو "النهار" يتساءلون: "مين سبب النكد"؟

أثار الإعلامي تامر أمين جدلًا واسعًا، خلال فقرة "طلع الضيف اللي جواك" في برنامجه المذاع عبر قناة "النهار"، حيث وجه سؤالًا جريئًا للضيوف كان مفادة: "ما أكثر شيء تكرهه في الست عمومًا؟". 

فجاء الرد من الإعلامي أمير هشام الذي قال: "أنا شايف إن الست المصرية بتحب النكد شوية، وبتحب تشوف الحاجات اللي فيها نكد وفيها عياط".

تصريحات أمير هشام لم تمر مرور الكرام، حيث ردت الإعلامية دعاء فاروق عبر البرنامج نفسه، قائلة: "الست نفسها إن حد يفهمها ويحس بيها، فلما مبتلاقيش ده بتعيط، لكن الراجل بيشوف ده نكد. دورك إنك تصالحها وتفهمها بدل ما تقول عليها نكدية".

من جانبها، رفضت الإعلامية مفيدة شيحة هذا الوصف تمامًا، قائلة: "مين قال إن الست نكدية؟! بالعكس، كل الإحصائيات بتقول إن الراجل هو اللي نكدي، سواء مع مراته أو حتى مع أصحابه. الست عمرها ما كانت نكدية من غير سبب، ولو حصلت مشكلة، غالبًا الراجل هو السبب".