محمد عدوية: اتولدت وفي بوقي معلقة ذهب واتقفلت في وشي الأبواب بسبب أبويا!

كشف الفنان محمد عدوية عن تفاصيل رحلته في عالم الفن، مشيرًا إلى التحديات التي واجهها رغم كونه ابن النجم الكبير أحمد عدوية، مؤكدًا أن النجاح الحقيقي يتطلب الاجتهاد والمثابرة.  

قال محمد عدوية خلال برنامج "كلام الناس" المذاع عبر قناة mbc مصر: “أبويا عصامي جدًا، واحنا اتولدنا زي ما بيقولوا بمعلقة دهب فعلاً لأننا ولاد أحمد عدوية، وده شرف كبير جدًا”. 

وأضاف: لكن دي كانت ميزة وعيب في نفس الوقت. كوني ابن فنان كبير ومعروف خلاني أشوف الوسط الفني عن قرب، لكن في نفس الوقت الناس كانت بتقفل في وشي الأبواب.
 

وتابع: فاكر والدي لما قالي لو انت موهوب هتوصل، وقالي كمان إنه كلم شخص كبير في الوسط الفني وده قفل الباب في وشي. لكن قالي خلاص، اسعى واتعب، لو تستاهل هتوصل بنفسك وأكد لي أن النجاح مش بيجي علشان أبوك فنان كبير أو مليونير، لكن بيجي بالتعب والإصرار.

وأشار عدوية إلى أنه واجه صعوبات عديدة حتى حصل على أول فرصة، قائلًا: أنا تعبت كتير جدًا، وفضلت أسعى لوحدي، لحد ما قابلت الأستاذ ياسر حسنين اللي آمن بيا محدش دخلني شركة ولا جالي فرصة بوساطة، أنا سعيت وروحت بنفسي وحاولت.

وأكد عدوية أن القبول والنجاح بيد الله، مشددًا على أهمية العمل والاجتهاد بعيدًا عن الاعتماد على اسم العائلة أو الشهرة.