ياسمين عز: ممنوع تقولي لجوزك أنت فين أو بتقبض كام في 2025

قدمت الإعلامية ياسمين عز مجموعة من النصائح للنساء ضمن ما أطلقت عليه "قائمة الممنوعات"، للتعامل مع الأزواج خلال العام الجديد. وأكدت أن الهدف هو تقليل التوتر وتعزيز التفاهم في الحياة الزوجية.

وقالت ياسمين عبر برنامج “كلام الناس”, المذاع عبر قناة mbc مصر: “بلاش تبعتي لجوزك جملة إنت فين، لغوها السنادي. مش مصدقاني؟ اسألي. ميهمكيش هو فين، هو هائم على وجهه في الطرقات، عليه أقساط وديون، وبيمشي وهو نايم. الجملة دي بترعبه، حرام عليكِ تبثي الرعب في قلبه”.

وتابعت: “بلاش تسأليه إنت بتقبض كام، ومتقوليلوش المصروف خلص. متطلبوش فلوس الصبح لأنه لسه مش فايق، ولا تطلبوها بعد ما يرجع من الشغل لأنه بيكون عايز يتغدى، ولا حتى بالليل لأنه بيكون عايز ينام. اللي يدهولك مشّي نفسك بيه”.

واختمت ياسمين نصائحها بقولها: “قولي له يا ربنا يقدرك علينا، مش عارفة من غيرك كنا هنعمل إيه”.