بسبب "البوتكس".. إيمان أيوب ترد على منتقديها: حسيت إني متهمة في جريمة!

أعربت الفنانة إيمان أيوب، عن استيائها الشديد من الانتقادات الحادة التي تعرضت لها بعد ظهورها في حلقة تلفزيونية مع الإعلامية مروة صبري، مؤكدة أنها شعرت وكأنها متهمة في جريمة بسبب ردود الفعل السلبية من الجمهور.

وقالت إيمان أيوب في تصريحاتها ببرنامج بنت البلد المذاع عبر قناة cbc سفرة: “اتفاجئت واتخضيت من كمية الانتقادات اللي تعرضت لها فجأة، لقيت التليفون مش بيبطل رن، وكأن في حاجة كبيرة حصلت، وناس بتقول إني عملت عمليات تجميل وبتهاجمني بسبب الفيلر أو البوتكس”.

وأضافت: “استغربت جدًا من تعليقات الناس اللي شتَموني ودَعوا عليّا بشكل مبالغ فيه، كل ده علشان حاجة تخصني أنا ومش المفروض تزعج حد؟.. حسيت بتعب نفسي كبير بسبب الكلام السلبي والهجوم اللي مالوش أي مبرر”.

واختتمت الفنانة حديثها قائلة: “أنا مش فاهمة عملت إيه للناس علشان أتعرض للهجوم ده كله.. الموضوع كان بسيط جدًا، ومع ذلك، أتعامل وكأنني ارتكبت خطأ كبيرًا”.