زينة: مررت بمواقف صعبة مع المزيفين
تحدثت الفنانة زينة عن تجربتها مع الأشخاص المزيفين في حياتها، مؤكدة أنها مرت بمواقف صعبة مع أشخاص ادعوا التدين، الاحترام، والإخلاص، لكنهم لم يكونوا كذلك.
وقالت زينة عبر برنامج "AB talks": "لو في حاجة مريت بيها ومش عاوزة حد يمر بيها زيي، هقول إنه يبتعد عن الناس المزيفة والكذابة، ناس بتدعي التدين والاحترام وهما مش كدا، وناس بتدعي الإخلاص وهما العكس".
وأضافت زينة: "الحاجات دي كلها أنا مريت بيها، ومبحبش حد يمر بنفس التجارب، أتمنى كل الناس متقبلش وجود ناس كذابة ومزيفة في حياتهم".
وأشارت إلى منشور كتبته سابقا على حسابها الشخصي بموقع "فيس بوك"، قائلة: "كتبت مرة، مش عاوزة أسمع منكم كلمة حلوة بعد ما أموت، مسمعتهاش وأنا عايشة، الحياة ديما بتظلم الناس الحقيقية، إنما الناس المزيفة بيكونوا زي الفل ومش بيتظلموا".
واختتمت زينة حديثها بقولها: "الناس الحقيقية بتتظلم، لكن بعد وفاتهم الناس بتفتكرهم بكل خير، دي سنة الحياة اللي لازم نتقبلها ونتعلم منها".