زينة:"أكبر مخاوفي على صحة أبنائي بسبب ولادتهم المبكرة"
كشفت الفنانة زينة عن أكبر مخاوفها في الحياة، وهي صحة أبنائها، حيث أشارت إلى أنهم ولدوا قبل موعدهم الطبيعي في الشهر السابع، مما أثر على صحتهم العامة.
وقالت زينة عبر برنامج "AB talks": "أولادي صحتهم على قدها، جسمانيا ضعاف وعندهم نوع غريب من الأنيميا وضعف عام، وأنا بحاول أنميهم وأساعدهم قدر الإمكان".
وأضافت: "بخليهم يلعبوا رياضة دايما، لكنهم بيتعرضوا للإصابات بسهولة بسبب ضعف جسمهم، تركيزهم الأكبر دلوقتي في الكورة".
وعن موقف شخصي في طفولتها، قالت زينة:"محدش يقدر يجرحني بكلام دلوقتي، بس زمان حصل معايا موقف لما جبت ملحق في مادة، ومروحتش امتحانها، ماما قالتلي أطلعي برا البيت، وقتها كنت صغيرة ومش بعرف أعدي الشارع لوحدي طلعت من البيت من غير ما ألبس حاجة في رجلي وقعدت أعيط".
وأضافت: “ماما جريت ورايا وقالت لي: "تعالي، أنا مقولتش اطلعي برا البيت، كنت أقصد تبعدي عن وشي شوية كنت دراما كوين اوي من صغري”.