شريف مدكور: بعض التجار بحاجة إلى إعادة تأهيل وتربية
أثار الإعلامي شريف مدكور قضية استغلال بعض التجار للمستهلكين، مشيرا إلى وجود تفاوت كبير في أسعار السلع دون وجود أي مبرر منطقي لذلك.
وقال شريف مدكور خلال حديثه في برنامج "شارع شريف" المذاع عبر قناة "الحياة": "إزاي أشتري سلعة من مكان بـ70 جنيه وألاقيها في مكان تاني بـ120 جنيه، وهي نفس السلعة تماما مفيش أي فرق بينهم".
وأضاف شريف مدكور: "ده معناه إن في حاجة غلط، وإن بعض التجار محتاجين إعادة تأهيل وإعادة تربية".
وأوضح أن هذه الفئة من التجار تعتمد على التلاعب بالأسعار لتحقيق مكاسب مبالغ فيها على حساب المستهلكين، قائلا: "ده نصب واضح جدا، وبقينا نشوفه بشكل متكرر في كل المجالات".
ودعا إلى اتخاذ إجراءات أكثر صرامة ضد هذه الممارسات، مشيرا إلى أهمية توعية المستهلكين بحقوقهم ومواجهة الاستغلال.
واختتم حديثه قائلا: "الموضوع محتاج وقفة، لأن فيه ناس كتير بتستغلنا، والمستهلك لازم يكون واعي ويعرف يدافع عن حقه".