ابنة سامي العدل تحيي ذكرى ميلاد والدها

احتفلت رشا سامي العدل بذكرى عيد ميلاد والدها الراحل عبر حسابها الرسمي على موقع التواصل الاجتماعي "فيسبوك"حيث كتبت: "النهاردة عيد ميلاد حد مش زي أي حد، راجل مفيش منه اتنين بالنسبالي، أب مكانش عادي أو تقليدي، كان كل حاجة وعكسها، نجم عالي قوي في السما نوره ساطع، بس صعب أوصله، فنان مبدع في الجدعنة".

وأضافت رشا : "عيد ميلاد نجم قلبي ونور عيني سامي العدل،إللي الناس تعرفه كفنان، وأنا عرفته كأب وأخ وصديق وابن، وهو كان ضهرى وسندي في الدنيا وجوده بس في الحياة كان كافي من غير ما يعمل أي حاجة".

وتابعت حديثها : "أفضل هدية يمكن أن أقدمها، هو أن أستمر في الحديث عنه، حتى يتذكرك الجمهور باستمرار، ويترحمون عليك ويدعون لك، وأتمنى ربنا يتقبل مني ومن كل الناس، علشان أنت تستاهل، مش علشان أنت بابا، ربنا يرحمك ويغفر لك يا أغلى الغاليين".