ياسمين على: المخرج حسنى صالح غير جلدى في مسلسل "قلع الحجر 2"
كشفت المطربة ياسمين علي في حوار خاص لـ وشوشة عن تجربتها في عالم التمثيل قائلة "أنا اكتشفت نفسى في الغناء ولا فى التمثيل ماما وبابا اللي اكتشفوا موهبتى في الغناء و أستاذ محمد صبحى فى التمثيل".
وتابعت "كنت فى برنامج اسمه فى القصر في 2007 و البرنامج ده كان بيقدم المواهب الجديدة فدخلت أعمل بروفة صوت على أغنية هاقولها في البرنامج فلقيت أستاذ صبحي جه و بينده للكرو وللمخرجة أستاذة شافكى وبيقول مين البنت اللى بتغنى دى هاتوهالى روحت ومكنش مصدق أنه أنا لأنى كنت رفيعة جدا، و صوتى مش لايق على شكلى فقالى انتى إيه اللى بتغنى !؟ الصوت ده طالع منين!؟ ، انتى لازم تيجى أستوديو الممثل،فقلتله أنا مش عايزة أمثل. أنا عايزة أغنى".
وأستكملت "فضلنا نتكلم فترة طويلة عن الموضوع ده لحد ما روحت أستوديو الممثل وعملت إختبارات مع 2000 مشارك واختارنى أنا وكذا حد و بعد كدة صفصفت خالص عليا ومثلت معاة في مسلسل ونيس و العباد".
وأوضحت أيضا دور الفنان القدير محمد صبحى في تعليمها أصول التمثيل وقالت " أستاذ صبحى مدرسة كبيرة فى التمثيل والإخراج هو علمنى وحسسنى إنى فنانة بجد "
وأضافت حول مشاركتها في مسلسل قلع الحجر 2 قائلة "أستاذ حسنى صالح مخرج مسلسل قلع الحجر غير جلدى تماما، حطنى فى حتة، أنا مفهمهاش، ودانى إنى أمثل صعيدية، معرفش بقى شافنى صعيدية إزاى فهو من الناس اللى بحبهم وبحترمهم و أستاذ ياسر سامي برضو إنه يحطنى في دور كامل تمثيل، مفيهوش أى نوع من الغناء معناه أنه مؤمن بيا كممثلة "
الجدير بالذكر أن مسلسل "قلع الحجر" من المسلسلات الهامه التي ناقشت عده قضايا خاصه بالمرأه وأمور خاصه بصعيد مصر حيث تدور أحداث المسلسل قصة حدثت بالفعل، والمسلسل بطولة الفنان محمد رياض، سوسن بدر، عبد العزيز مخيون، منى عبد الغني، وغيرهم ، و تأليف أحمد وفدي، إخراج حسني صالح.