بعد وفاته.. تعرف على رأي حسن يوسف في محمد رمضان

توفى ورحل عن عالمنا منذ قليل الفنان الكبير حسن يوسف عن عمر يناهز 90 عاما، حيث أعلن خبر الوفاة شقيقه عبر حسابه الشخصي على موقع "فيسبوك ".

وبالتزامن مع وفاته ينشر موقع "وشوشة" أراء وتفاصيل عن حسن يوسف صرح بها قبل وفاته في الصحافة والإعلام:-

تحدث الفنان حسن يوسف من قبل عن رأيه في دخول نجله المجال الفني وفكرة الواسطة قائلا: "مفيش حاجة اسمها واسطة في الوسط الفني اللي عنده موهبة بيشتغل، وبينجح واللى معندوش بيقعد فى البيت وبيفشل".

تابع قائلا: "ابن الفنان لازم يكون ده قراراه الشخصي، وعمر ابنى مثلا كان خريج كلية سياحة وفنادق بسويسرا، وكان مدير مركب سياحية في الأقصر لكن هو حابب التمثيل واختار التمثيل بمزاجه، ومحمد العدل عرض عليه بطولة فيلم "فرقة 18" وهو اللي رشحه للعمل لأنه لقاه يعشق التمثيل، والحمد لله الولد نجح وجاله أعمال تانية".

كما كشف عن رأيه في تصريحات تلفزيونية عن محمد رمضان قائلا: "بحبه جدا على المستوى الشخصي لإني شوفت مسلسل الأسطورة، ورأيت فيه ممثل جيد جدا، بس رأيي إن اللي حاصل لمحمد رمضان، أنا بشبهه بالملاكم الجيد اللي لما تيجي له لكمة خطأ بدون ما ياخد باله، فيترنح وبعدين يقف تاني على رجليه، ويضرب الخصم بالضربة القاضية، نجاح محمد رمضان كان أكبر أوي من سنه، وكان أكبر بكتير من توقعه، فحصل له ترنح، لكن رجع وقف على رجليه وأنا بعتبره الممثل الأول في مصر".