أسما شريف منير تثير الجدل بعد ظهورها بوزن زائد في مهرجان الجونة
أثارت البلوجر والمذيعة أسما شريف منير الجدل حولها بعد ظهورها الأخير ضمن فعاليات مهرجان الجونة، حيث صدمت جمهورها بوزنها الزائد الملحوظ، وتساءل جمهورها في التعليقات عن السبب وراء تغير شكلها إلى هذا الحد، والبعض قال إنها تمر بحالة نفسية سيئة أثرت على وزنها بشكل مبالغ فيه.
وكانت أسما تحدثت مؤخرا عن أزمتها مع العلاقات العاطفية، وذلك في أحدث ظهور لها عقب حذفها جميع صورها على حساباتها الرسمية.
ونشرت أسما صورة جديدة لها، عبر حسابها الرسمي "إنستجرام"؛ معلقة: "عشت لفترة طويلة في علاقات مش مرتاحة فيها، العلاقات كانت مرهقة ومليانة أذى نفسي، دايمًا حاسة إن في حاجة ناقصة، وفي حاجة غلط، العلاقات كان فيها تضحيات كبيرة من طرف واحد، الحب والشغف اللي كنت بحلم بيهم مش موجودين".
وأضافت: "كنت دايمًا بقول لنفسي مش لازم كل حاجة تكون مثالية، المهم إني مرتاحة حتي لو موجوعة، ما هو ده الحب اللي أعرفه، مش الحب عذاب برضه؟، بس في نفس الوقت، كل مرة بشوف علاقة مليانة حب وتفاهم حقيقي، كنت بحس إني بتنازل عن حاجات مهمة في حياتي لحد ما في يوم، قررت أقعد مع نفسي وأسأل.. هل الراحة كفاية؟، هل المفروض أقبل بعلاقة مفيهاش توازن والإحساس اللي أنا أستحقه بس عشان ده اللي أعرفه؟".
