لوسي لـ"وشوشة": أنا مكركبتش ولا عجزت علشان اعتزل الرقص
تصدرت الفنانة لوسي تريند منصات التواصل الاجتماعي خلال الفترة الماضية، وذلك بعد تداول عدة أنباء وتصريحات منسوبة لها تفيد باعتزالها الرقص بشكل نهائي وهو ما أثار جدلًا.
لوسي نفت الشائعة المتداولة وقالت في تصريح خاص لـ"وشوشة": “كل التصريحات دي مفبركة أنا لا قولت اعتزلت ولا أعلنت عن كدة، برقص بس مش كل يوم ومش في أفراح”.
وأضافت: "كنت لسة في فرنسا من كام يوم وخلصت تدريب للرقص هناك، وبدرب فنانات لسة طالعين وأنا مقصرة في حق السوشيال ميديا ومش بعلن ولا بنزل حاجة من فترة كبيرة".
وتابعت: "أنا مقولتش اعتزلت الرقص، وبعدين مش بالسن هي، أكبر مني وبيرقصوا لسة، وبعدين هي بالقدرة على إني أشتغل ولا لأ بس مش أكتر".
واختتمت: "أنا مبردش على حد يروج لشائعات عشان يحاول يظهر نفسه، أنا مليش علاقة بحد وبشتغل في صمت وشغلي هو اللي بيرد، وأنا لا عجزت ولا فشولت ولا مكركبة عشان أقول اعتزلت الرقص".