هشام ماجد يكشف رد فعل الزعيم على إعادة تقديم البحث عن فضيحة
أكد الفنان هشام ماجد أن الزعيم عادل إمام، أعرب عن سعادته بعد علمه بإعادة تقديم فيلم البحث عن فضيحة، ولم يمانع من الفكرة وأبدى موافقته.
وتحدث هشام ماجد عن إعادة تقديم فيلم البحث عن فضيحة قائلًا: الزعيم عادل إمام سعيد إننا هنعيد فيلم البحث عن فضيحة وطريقة الفيلم عبارة عن ريميك وبيتعمل في أمريكا طول الوقت أنه بيتاخد يتعمل من القديم مسلسلات.
وأضاف: وبيكون نفس القصة بس مش نفس التفاصيل، ومعمول بما يناسب العصر اللي احنا فيه، وبوعد الجمهور إننا هنقدم حاجة كويسة ليهم متقللش من الجزء الأول، وبيناقش الجيل الجديد أكتر لأنهم ماشفهوش، ورامي إمام أكد لي إن الزعيم مبسوط، وأنا كمان متحمس.
وتابع عن نجاح فيلم إكس مراتي قائلًا: سعيد جدًا بالتجربة لأنها خدت وقت كبير جدًا، والورق كان مكتوب حلو وعملنا فيه ورشه بيني وبين الفنانين واستعنت بطبيب نفسي خلال الأحداث.
وتحدث عن التعاون مع أمينة خليل ومحمد ممدوح: وجودهم كان مشجع لي لأني بحبهم هما الاتنين، وهما ناجحين جدًا وحسيت إن دي تركيبة حلوة وكانت نقطه فارقة فعلا في الفيلم.