محمد أبو داوود لـ "وشوشة": 6 أكتوبر يوم مجيد ورفع رأس الأمة العربية كلها
وصف الفنان القدير محمد أبو داوود ذكرى نصر أكتوبر بأنه يوم مجيد عند الشعب المصري، ورفع رأس الامة العربية كلها.
وقال أبو داوود في تصريح خاص لـ"وشوشة": "أنا من الناس اللي عاشروا الرئيس الراحل رحمة الله عليه جمال عبد الناصر ثم الرئيس الراحل أنور السادات الله يرحمه، وطبعا عشت مرار النكسة كانت صعبة علينا كلنا، وتحمل الشعب المصري اللي كان مصمم إنه ياخد حقه، والحمدلله اخده ورجع أرضه في 73".
وأضاف: "جيشنا المصري نفخر بيه كلنا هما فعلا زي قول الرسول عليه أفضل الصلاة والسلام جنود مصر خير أجناد الأرض ربنا يحمي جيشنا ورئيسنا ويحمي شعب مصر".
ووجه في نهاية حديثه رسالة للشعب المصري قائلا: "اتمنى من شعب مصر الوعي بالمخاطر اللي بتحوم حوالينا الآن، واللي بتحاول إنها توقع مصر زي ما بنقول، مصر هي التفاحة، وقعوا دول كتير مجاورة لينا وكل حدودنا ملتهبة والحمدلله قيادتنا رائدة، فربنا أولا ينصر شعب فلسطين وشعب لبنان والسودان وسوريا والعراق وربنا دايما يجعل مصر سند قوي وإن شاء الله تظل مصر قوية أولا بفضل الله وجيشها وقيادتها".