ياسمين عز في أغرب نصيحة للسيدات: اقفي لجوزك حارس مرمى في الصالون وخليه يجيب جول

وجهت الإعلامية ياسمين عز، للسيدات نصيحة غريبة لكيفية التفاعل مع أزواجهن بأسلوبها المعروف والمثير للجدل.

وقالت ياسمين عز: “لو زوجك بيحب كرة القدم، ليه متلعبيش معاه؟ ألعبوا في الصالون، أقفيله حارس مرمى وخليه يسجل جول”.

وأضافت: “قرأت امبارح كتاب بيقول إن فيه 3 حاجات أو علامات لما البنت بتعملهم الراجل هيعجب بيكي، ولو معملتيش كدا هيعجب بيكي برضه، يعني مثلا شاركيه اهتماماته، لو بيحب الكورة ألعبوا في الصالون وأقفيله حارس مرمى وخليه يسجل جول”.

وتابعت: “ممكن تتعلمي الطاولة خصوصًا المحبوسة، خليك يحبسك يا مدام وخليه يكسبك الـ 31 بنط، ولو بيحب البط بالبرتقال اعمليله كده برضه”.

واختتمت ياسمين عز نصيحتها للسيدات قائلة: “روحي اهمسي في ودنه وقوليله حبيبي أنا هروح أقعد عند أهلي أسبوع... وسيبي زوجك لوحده”.