المخرج خيرى سالم لـ"وشوشة": مسلسل الاختيار كان سلاحنا اللي حاربنا بيه واكتشفنا إن المنسي مش بني آدم عادي
حل المخرج خيري سالم، ضيفا في ندوة فنّية بموقع "وشوشة"، بحضور رئيس التحرير الكاتب الصحفى عمرو صحصاح، وكشف تفاصيل علاقته بالمخرج بيتر ميمى، حيث عمل معه كمخرجا منفذا فة عدة أعمال منها مسلسل “كلبش”بأجزائه الثلاثة، و"الاختيار"، بأجزائه الثلاثة.
وقال خلال ندوته عبر "وشوشة": بيتر ميمي هو الأخ والصديق ومفيش حاجة بعملها إلا أما باخد رأيه، ودة عشرة عمر طويلة ومن ساعة ما اتقابلنا وبحبه واستفدت منه كتير في شغلى.
وأضاف: شغلي كمخرج منفذ هو اللي خلاني وساعدني أكون مخرج، وشغلي في مسلسل الاختيار لقيت نفسي قدام 400 ممثل وكمان في جزء عن التنسيق مع القوات المسلحة في المعدات والدبابات والأسلحة.
وتابع: مكناش بننام من المجهود لكن كنا حابين اللي بنعمله واتعمل في توقيت صعب والبلد خارجة من مشاكل الارهاب في البلد، وأي حد تاني هيقلك لية أرهق نفسي ما أروح أعمل مسلسل تاني وأخد نفس الفلوس بدون مجهود.
وأردف: جالنا المسلسل وقريناه ووقتها كنا نسمع عن البطل أحمد المنسي من الجرايد، ولكن لما حضرنا المسلسل اكتشفنا إنه مش بني آدم عادي لكن دة أسطورة.
وأوضح: رحنا مركز تدريب في الاسماعيلية ولقينا عساكر كتير وكان لحظة بريك بتاعهم، وكنا ماشيين وسطهم وهما بيبصولنا كأننا أجانب، وكان في مقدم جمبي وسألته عنهم وقال إنهم بعدما هيخلصوا التدريب هيروحوا سيناء ووقتها كانت الأكمنة بتنضرب وحسينا كلنا بلحظة صمت بصينا لبعض كلنا كفريق عمل.
واختتم: الناس دي بتموت وتتفجر عشان إحنا نعيش وناكل ولا حاسين بحاجة، فقررنا نكمل ونعمل المسلسل وبقى الموضوع بالنسبالنا مش شغلانة لكن كان مهمة لينا وإحنا سلاحنا الفن اللي بنحارب بيه.
من جانب آخر، حققت شيري نجاحات كبيرة بمشاركتها في مسلسل الوصفة السحرية من تأليف ورشة مصنع الحكايات لمؤسسها المؤلف هاني سرحان، وتدور أحداثه حول مشاكل الزواج والعلاقات الرومانسية والاجتماعية من خلال نماذج مختلفة من الأزواج، ويطرح العمل سؤال هل هناك وصفة سحرية لو عرفناها سنصل إلى السعادة وستحل جميع مشاكلنا؟، والوصفة السحرية لزواج ناجح هو اسم الكتاب الذي تتحرك من خلاله الأحداث لتتغير حياة الأبطال تماما.
يشارك فى بطولة مسلسل الوصفة السحرية كلاً من: شيري عادل، بسمة داوود، إسلام جمال، عمر الشناوي، كارولين عزمي، هيدي كرم، لقاء سويدان، سلوى محمد علي، وليد عبد الغني، رانيا منصور، محمد أبو داوود، عماد رشاد، سلوى عثمان، والعمل من تأليف مصنع الحكايات لمؤسسها هاني سرحان، وفكرة مي سعيد، وإشراف على الكتابة دعاء عبد الوهاب، وسيناريو وحوار منة فوزي وإيرين يوسف ومي سعيد وإخراج خيري سالم.