نجل جمعة الشوان لـ"وشوشة": أبويا كان داهية وربنا كان بيعرفه اللي هيحصل

أكد وليد نجل البطل جمعة الشوان فى لايف عبر صفحة وشوشة مع الكاتب الصحفى عمرو صحصاح رئيس التحرير، أنه كان يحظى بمكانة كبيرة، إذ أطلق عليه البعض من شدة ذكائه ومهاراته وحكمته، لقب "الداهية" نظرًا لدهائه.

وقال في تصريح خاص لـ"وشوشة": والدي كان مختلف عن أي حد تاني، وكانوا مسمينه بلقب الداهية، وأبويا كان يقولي إن اللقب دة مش معناه داهية وحشة لكن داهية حاجة حلوة.

وأضاف: الكل كان ملاحظ إن والدي عنده حاجة فوق الذكاء، ولكنه مكنش بيسمي دة ذكاء وقالي إن السر في كونه متوكل على ربنا وربنا كان بيوريه اللي هيحصل.

يذكر أن الاسم الحقيقي لجمعة الشوان هو أحمد محمد عبد الرحمن الهوان وشهرته جمعة الشوّان، ولد في السادس من أغسطس عام 1939، وتوفي  1 نوفمبر 2011.

جمعة الشوان هو عميل مزدوج لجهاز المخابرات العامة المصرية بعد نكسة 1967، ويعتبر من أهم العملاء الذين شهدهم صراع المخابرات المصري الإسرائيلى، برز دوره من خلال مسلسل دموع في عيون وقحة باسم جمعة الشوان من إنتاج التلفزيون المصري ومن بطولة النجم عادل امام.