دانا حمدان تبكي بحرقة وتنعي كلبها: "كان جميل وعينه ملونة وأجمل إخواته"

شاركت الفنانة دانا حمدان مقطع فيديو على حسابها في إنستجرام، وظهرت وهي تبكي بحرقة بعد تلقيها خبر وفاة كلبها "هابي"، الذي كان مفقودًا لمدة ثلاث سنوات.

دانا أوضحت في الفيديو أنها اكتشفت اليوم أن كلبها توفي بسبب إهمال تعرض له، حيث أصيب بمرض مميت.

وأعربت دانا عن حزنها الشديد قائلة: "بقالي 3 سنين بحاول أدور عليه، وكان نفسي أشوفه وأطمن عليه، لكن عملت اللي عليّ. مش عارفة أقول إيه، جاله مرض مميت للكلاب.
وأضافت: ومش مسامحة الناس اللي خدته واستغنت عنه، لأنه كان كلب جميل وكان أحلى إخواته، وكانت عينه ملونة وزي القمر. مفيش حاجة أقدر أعملها، أرجوكم لما تجيبوا كلاب ما تستاهلوش تعملوا فيهم كده. مش عارفة أعبر عن مشاعري من كتر ما أنا زعلانة".

وفي فيديو آخر، ردت دانا على التعليقات الساخرة التي تلقتها بسبب بكائها على كلبها، مشيرة إلى أنها أغلقت التعليقات. وأضافت: "اللي بتتريق عليا لأني بعيط، أنا عمري ما هتمنى ليكي حاجة وحشة. أنتي لابسة حجاب يعني تعرفي ربنا كويس، ربنا ما يبتليكي وخدي بالك من كلامك.

واختتمت: اللي يستهين بأوجاع غيره ربنا ممكن يبتليه بوجع عمره ما يتخيله، وتحسي ساعتها إيه فقدان شيء. فقدان شيء بشع سواء كان إنسان أو حيوان، لأن في ناس بتزعل على نباتة أو شجرة. خدي بالك من كلامك".