خالد الصاوي: موتوني 4 مرات قبل كدة ولو مُت هكون أول واحد يطلع يقولكم

سخر الفنان خالد الصاوي، من الشائعات التي أكدت وفاته وانتشرت خلال الساعات الماضية، مؤكدًا أنه عانى من ذات الشائعة منذ 4 سنوات.

وظهر خالد الصاوي في مقطع فيديو عبر حسابه الشخصي بموقع إنستجرام قائلًا: السلام عليكم إزيكم يا أحبائي، أنا سمعت إني موت امبارح جيت اتطمن خير في حاجة ولا إيه؟.

وأضاف: على العموم بالنسبة للشخصيات اللي بيقولوا كده أنا موتوني 4 مرات من 4 سنين، وأحيانًا قالوا إن أنا أولادي ماتوا، اللهم احفظنا طبعًا بس أنا معنديش ولاد الحقيقة.

وتابع خالد الصاوي: مش هقول الناس دي نوياها إيه، لما تطلع إشاعة يبقى عندك غرض ولا أنت بلا شخصية واللي بتسمعه بتحطه على النت على طول؟.

وأردف:  طب أنت عارف إن ده ممكن يكون تأثيره بايخ على الأهالي؟ ما علينا، أول حاجة الشخص اللي يعمل كده ده كاذب فهو عايز لايكات، نطلع من الحساب بتاعه وننبه الآخرين أنه كذاب.

واختتم: وبأكد أني في الحاجات الضرورية جدًا والحساسة لازم أطلع أكد أو أنفي الحاجة، وتأكدوا يا جماعة إن أنا لو مُت هكون أول واحد بيطلع وبيقول.