بلاش شعارات وخلونا في اللي بيأكل عيش.. 10 تصريحات لـ تامر أمين جعلته يتصدر التريندات

ظهر الإعلامي تامر أمين، عبر برنامج "آخر النهار" والمذاع عبر شاشة النهار، وأدلى بمجموعة من التصريحات التي أشعلت مواقع التواصل الاجتماعي.

تامر أمين تحدث عن نظام الثانوية العامة، وأبدى رفضه التام لتدريس المواد الأدبية، وأكد أن لا فائدة ستعود منها على الطالب في حياته العملية، وجاءت التصريحات كالتالي.

1_ آن الأوان لتغيير المناهج، خاصة مناهج الأدبي فهي مشكلة المشاكل، وقولولى إيه فى المواد الأدبية بمرحلة الثانوية العامة مفيد  الأيام دي؟!.

2_ ايه الاستفادة إن طالب الثانوية العامة يدرس تاريخ، ومحدش يقولي يا نهار أسود أنت مش عايز تاريخ، بلاش الشعارات، خلونا في اللى بيأكل عيش ويجيب تقدم. 

3_ الطالب يدرس جغرافيا ليه، يدرس فلسفة ومنطق ليه، هيعمل بيهم ايه وايه الاستفادة اللى هتعود عليه عند الدخول إلى الكلية أو سوق عمل.

4-  آخره يحاول يدور على شغلانة مدرس فلسفة أو تاريخ، المواد دى درسوها زى ما أنتم عايزين فى ابتدائي وإعدادي.

5- ادوا جرعة وحصيلة أساسية، وكفاية قوى كده تاريخه خلوه يعرف مستقبله.

6- المرحلة الثانوية أنت بتجهز الطالب لسوق العمل، فلا تدرس له تاريخ وجغرافيا، وعلم نفس وفلسفة ومنطق مش هيعمل بيهم حاجة.

7-  70 و80% من الطلاب بيهربوا من الأدبي للعلمي، وبدلا من فصول وأقسام الأدبي وتخرج الطلبة، مش متعلمين كويس ولا مستفيدين حاجة.

8-  نستبدل المواد دي في المرحلة الثانوية بمواد يستفيدوا بيها.

9- استبدل المواد الأدبية بمادة اسمها التسويق ماركتينج، ومادة التنمية البشرية والموارد البشرية ومادة اسمها الاتصال وعلوم الاتصال.

10- اعملوا الحاجات المهمة جدا في سوق العمل حاليا زي البيع وغيره، دا أنا حتى قولت ان مش شايف فايدة لتدريس اللغات.