والد حسام حبيب لـ"وشوشة": مفروض كل واحد فيهم يروح لحاله ويشوف شغله

لازال اسم المطربة شيرين عبدالوهاب وطليقها المطرب حسام حبيب متصدرا لتريندات السوشيال ميديا ومحركات البحث، وذلك بعد تصريحات الأخيرة باتهامها لطليقها بالاستيلاء على أموالها وسرقتها، وهو الأمر الذي أشعل السوشيال ميديا منذ أيام.

حسين حبيب، والد حسام حبيب علق على الأمر بعد وصول الأزمة إلى وضع حرج بين نجله وطليقته شيرين عبدالوهاب، وقال في تصريح خاص لـ"وشوشة" إنه يتمنى أن يبتعد نجله عنها ويعود لحياته الطبيعية.

وأضاف والد حسام حبيب: تعليقي على اللي حصل بينهم مؤخرا دة، إن لازم كل واحد فيهم يروح لحاله بقى، ويرجع كل طرف يشوف شغله وحياته، ربنا يسهلهم بقى.

حسام حبيب يتوعد شيرين

وكان حسام حبيب قد رد مؤخرا على اتهامات شيرين له واستغاثتها بجمهورها بأن ينقذوها منه، وقال في تصريحات تلفزيونية ما يلي:

1- أنا خجلان من كل اللي بيحصل، ومش عارف أقول اية عن اللي بيحصل أنا تعبت من المشاكل.

2- والله العظيم أنا برئ ومعرفش هي جابت الكلام ده منين.

3- يمكن قالت الكلام ده عشان بقالها يومين بتكلمني وأنا مابردش عليها فقالت تفتري عليا.

4- ازاي مكتوب في الورق بتاع البنك تحويل للزوج، هو أنا زوجها؟.

5- لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكذب لما قالت إننا اطلقنا يا هى بتكذب على البنك وقالت أني زوجها وحولتلي.

6- المرة دي مش هسكت وهحاسبها وهقاضيها ومش هسامح في حقي.

وكان محمد عبدالوهاب شقيق النجمة شيرين عبدالوهاب هاجم تصريحاتها الأخيرة عن حسام حبيب ومناشدتها للدولة بإنقاذها منه، من خلال منشورا له عبر حسابه الشخصي على موقع “فيسبوك”.

وكتب شقيق شيرين عبر حسابه الشخصي بموقع التواصل الاجتماعي فيسبوك: “يا شيخة والله ربنا ياخدنا بقي عشان نرتاح من القرف ده، كفايا بقي أقسم بالله قرفنا والناس قرفت واشمئزت منكم أنتم أقذر قصة عرفتها البشرية والله، حسبي الله ونعم الوكيل فيكم أنتم الاتنين”.