مادلين طبر: جوزي عنده مرض الستات وعشان كدة انفصلت عنه
كشفت الفنانة مادلين طبر تفاصيل زواجها الأول والذي استمر 7 سنوات، مؤكدة أنها كانت تتمنى أن تعيش معه العمر كله، ولكن الانفصال جاء بناء على رغبتها بعد اكتشافها أن لديه مرض أطلقت عليه حب النساء.
وقالت مادلين طبر في تصريحات تليفزيونية: لما كنت متجوزة مع حفاظي على شخصيتي كنت بعدي الأمور، ولما أحسه اتعصب أهرب، لأن الرجل لما بيتعصب مش بيعرف ينزل لأنه مش عنده طاقة زينا يلم الموضوع ويرجع طبيعي.
وأضافت مادلين طبر: الراجل بياخد الست اللي شبه والدته اللي فيها الشخصية القوية، وفي نفس الوقت الراجل أناني في تركيبته وظروفه الجسدية والهرمونية والعضلية والدينية، ومش مفهوم ومالوش كتالوج.
وتابعت مادلين طبر: أنا زواجي استمر 7 سنوات وكنت شارية ومش عاوزة أسيب وكنت بحلم أعيش معاه العمر كله، وكنت بعدي وبطنش، واكتشفت أن طريقة تعاملي معاه جابت فايدة إلا حاجة واحدة أنه بيحب الستات وده مرض فقررت ننفصل.
مادلين طبر أردفت حديثها بنصيحة للسيدات اللاتي يرغبن في الحفاظ على أزواجهن: كلنا كستات عاوزين الستر سواء المتحررة أو الملتزمة، ولو الست عاوزة تأسس حياة زوجية لازم تضحي وتعدي وتسيب المعارك للحاجات الأساسية، لأن الرجالة فيهم طفولة وبيعندوا وعاوزين رأيهم اللي يمشي.
واختتمت مادلين طبر: أنا كنت بعدي الأمور ولكن في أمور أساسية زي أني أكمل ماجيستير أصريت، لكن في الأمور العادية نعدي.