بعد تصريحات التاجي ضد"الأرض".. طارق الشناوي لـ وشوشة:' نسي إن جده اشتغل فيه والفيلم من أفضل الأفلام العربية

علق الناقد طارق الشناوى على تصريحات الفنان محمد التاجى على الفيس بوك، والذى وصف فيه فيلم الأرض للمخرج يوسف شاهين بأنه أسوء ما قُدم فى السينما المصرية وقام بتشويه صورة مصر، مشيرا إلى أن محمد التاجي قرأ الفيلم بشكل خاطىء.

قال الناقد طارق الشناوي في تصريح خاص لـ وشوشة:' فيلم الأرض واحد من أفضل الأفلام العربية وده مش رأيي أنا ده كان رأي لجنة أنا كنت أحد أعضائها في 2013 ووضعت فيلم الأرض في مكانة متقدمة جدا،  محمد التاجي نسي إن جده عبد الوارث عسر كان بيمثل في الفيلم، وكان بيمثل دور عمدة مرتشي ودي من الحالات النادرة اللي اشتغل فيها عبد الوارث أدوار سلبية، هو كان معروف عنه أنه دايما أدواره إيجابية.

تابع :' انتقد  الفنانة نجوى ابراهيم بسبب مشهد بالفيلم رغم أن المشهد مكنش في إيحاء جنسي ولا كانت بتفكر في جنس ولا أي حاجة، برغم إن ده في المطلق مفيهوش مشكلة لكن هو مقرأش الفيلم صح، رغم إن محمد التاجي نفسه كان آخر أدواره كان دور عجوز متصابي، فهل نحاسب محمد التاجي على أدواره.

وختم حديثه قائلا :' بشفق عليه بصراحة، ربما هو مش مدرك الخطورة بدليل أنه محدش باله إن جده اشتغل في الفيلم