"بطير في الهوا".. عطار يطرح أغنية جديدة بعد غنائه تتر "خالد نور وولده نور خالد"

طرح المطرب الشاب عطار، فيديو كليب أغنيته الجديدة، "بطير فى الهوا" على اليوتيوب، وهى من كلمات مصطفى حدوتة، وألحان عطار، وتوزيع موسيقى كلوبيكس، وإخراج إسلام هشام، وإنتاج شركة "مزيكا" للمنتج محمد جابر.

تناول عطار فى تصوير هذه الأغنية، فكرة كوميدية، من خلال لاعب كرة سلة يتعرض لعدد من المواقف الطريفة أثناء مشاركته فى إحدى المباريات، وشارك معه فى التصوير، فرقة استعراضية تحت قيادة مصممة الرقص المعروفة كارينا.

وهذه هى المرة الثانية التى يلتقى فيها عطار مع المخرج إسلام هشام، وكانت المرة الأولى من خلال فيديو كليب "أنا جيت" - "أنا جيت اكحلها عميت".

وغنى عطار في موسم دراما رمضان الماضى، تتر مسلسل "خالد نور وولده نور خالد"، وكتب كلمات الأغنية الشاعرة منة القيعى، وألحان وتوزيع أحمد طارق يحيى.

وتقول كلمات أغنيته الجديدة "بطير فى الهوا":

بمشي دوغري ممشيش بطال
نجمي عالي أنا مش بطال
أنا الصالح في عالم ضال 
لو شيلت منكو مش هصفي
مش مشنقة ده حبل الأفكار 
بيني وبينكو فرق الأسعار
في كل حته هتلاقو عطار
هو اللي بيعمل الوصفه
بطير في الهوا فوق
انت ولا الهوا فوق
ده كلام ف الهوا ماليش الهوا مش نافعين سوا
جاي تحدف بلا اه
بس جتك اوا ياه
مش بالفهلوا لو ليك الهوا يا 2000 هلا

جاي ف حب مبجيش ف خصام
ليا ضهر ف ماليش أخصام
لو هنحسبها بالأرقام 
أنا هبقي أكيد رقم واحد 
مش ملعبي وبطلع كسبان
ف المواقف الناس بتبان
بقيت سيرتي ع كل لسان
وكل قال إن أنا جامد
بطير في الهوا فوق
انت ولا الهوا فوق
ده كلام ف الهوا ماليش الهوا مش نافعين سوا
جاي تحدف بلا اه
بس جتك اوا ياه
مش بالفهلوا لو ليك الهو يا 2000 هلا
بطير في الهوا
أنت ولا الهوا
مش علي المزاج 
دول مش علي الكيف 
دمي حر أنا كلمتي سيف 
أوضه وصاله وانا جاي فيها ضيف
أنا معنديش حاجه اخسرها
ليا حق مايروحش بلاش
فاكر اللي ليا مبنساش
عنيكو علي حاجبي متعلاش
لو عنيكو عليت هكسرها
بطير في الهوا فوق
أنت ولا الهوا فوق
ده كلام ف الهوا ماليش الهوا مش نافعين سوا
جاي تحدف بلا اه
بس جتك اوا ياه
مش بالفهلوا لو ليك الهو يا 2000 هلا
بطير فى الهوا فوق