محمد صبحي مستنكرًا: المسلسلات بتطلع الست المصرية عاهرة ومنحلة
أعرب الفنان محمد صبحي، عن غضبه الشديد، بسبب تجسيد المرأة المصرية بالأعمال الدرامية، كما أشار إلى أن الكارتون الأجنبي يروج للمثلية الجنسية.
وقال محمد صبحي، في تصريحات تليفزيونية: 90% من مسلسلات المرأة يا إما عاهرة يا إما مدمنة مخدرات يا إما منحلة، مصر اللي حلمها في تاريخها على مدى سنين وقرون المرأة، وعلشان مشكلة حصلت وقولت رأيي وقالوا طب ما أنتوا مطلعين المصريين حرامية والمرأة عاهرة في أفلامكم طب ما أنتوا اللي بتقولوا.
وأضاف: سنة 2011 عملت مشروع كان نفسي أعمله مشروع أنقذ العشوائيات وأشيل الثقبة دي من جبين مصر، وعملت مشروع نبني البشر قبل الحجر، ولقيت العشوائيات في إحدى البلدان شيء انحلال لا يمكن أن نتخيله، وقُلت عايزين مسلسل يكون فيه لقطة من ده يتذاع عندنا في مصر.
وتابع: والناس اللي عندها فكر ثقافي يقولك مندفنش دماغنا في الرملة لازم نعري نفسنا ونطلع كل العيوب اللي عندنا، لأ يا حبيبي دي مش حرية إبداع دي حرية قلة أدب، دي حرية هدم للوطن، أنك تقدملي خرابة في السينما والتليفزيون.. المشاهد لما يشوف الصورة خليته يستقبح الخرابة ويتمنى يحولها لجنة، أنا بقدملك الشرير علشان تكره شره مش تحبه وتحب شره.
واختتم: الكارتون اللي بيتصدر لينا على مواقع التواصل الاجتماعي، بيعلموا الأطفال المثلية، نرجع لـ مشروع المليار الذهبي اللي بيقول كفاية مليار وباقي البشر يعدم، وطريقة الإعدام اللي بيحصل دلوقتي زي ما نزلوا فيلم عن كورونا من 10 سنين والمثلية.