محمد علي رزق يفجر مفاجأة جديدة بشأن واقعة تامر ضيائي
كشف الفنان محمد علي رزق، تفاصيل جديدة في واقعة وفاة الفنان تامر ضيائي، بعد مشاجرته مع فرد أمن داخل المعهد القومي للأورام، حيث كان الراحل ذاهبًا بزوجته لعلاجها بسبب إصابتها بسرطان الثدي منذ سنوات.
وقال من خلال صفحته الشخصية بموقع الفيديوهات الشهير عبر الإنستجرام، منذ قليل، إنه يعرف تامر منذ عام 2004، وعلى مدار عشرين عامًا لم يرَ منه أي تجاوزت شهادة لوجه الله أنا أعرف تامر ضيائي من 2004 من أيام فرقة عين الشمس، ودخلنا مركز الإبداع سوا في 2006 وفضلنا صحاب لغاية ما ربنا استرد أمانته، وتامر ضيائي طول عمره إنسان محترم وعلى مدار 20 سنة عمري ما شوفته متعصب أو شخص متجاوز اللي حصل مع تامر يوم وفاته شيء مهين خلاه ينفجر.
وتابع أن تامر ضيائي كان يراعي زوجته على مدار 17 سنة، قائلا تامر بقاله 17 سنة بيراعي زوجته في مرضها عمرنا ما سمعنا عنه إنه عمل مشكلة وكان صابر وراضي بقضاء ربنا و أنه لم يتجاوز دوره مثلما قيل وأنه بحسب شهادة زوجته التزم بالدور، ولكن فرد الأمن رفض أن يدخله تامر لم يتجاوز الدور زي ما قالوا بشهادة سوزان زوجته إنهم كانوا واخدين رقم 421، ولما جيه الرقم إللي قبلهم بدأوا يقربوا من الباب ولما وصل رقمه جيه الأمن منعه وقاله فيه ناس هتدخل الأول، فتامر رفض إن حد يتجاوز دوره ومن هنا بدأت المشكلة.
واختتم محمد علي رزق حديثه: تامر انفجر عشان مراته اللي تعبانة وقاعدة مستنية دورها علشان تاخد الجلسة فيلاقي الأمن بياخد فلوس علشان يدخل ناس قبل دورها، تامر ما عملش حاجه غير إنه اتمسك بحقه ولما لاقى الراجل بيتعامل معاه بشكل مهين انفجر، وحسبي الله ونعم الوكيل وربنا يرحمك يا تامر ويجعلك من أهل الجنة.