هنا الزاهد: أنا ما نزلتش دمعة بعد الانفصال
قالت الفنانة هنا الزاهد: “أنا ما نزلتش دمعة بعد الانفصال، ورحت عند إخواتى وبقيت وسطيهم وكان عندى إيمان إن ربنا شايلى حاجة علشان كدة حصل الإنفصال وزملائى فى اللوكيشن اتصدموا قالوا ما نعرفش إن كان عندك مشكلة”.
وأضافت الزاهد خلال لقائها مع "صاحبة السعادة" المذاع علي قناة dmc ، من تقديم الإعلامية إسعاد يونس،:"أوقات بيكون عندى حزن ولما بكون بشوشة مببينش، وبحسم الأمور بعقلى وقلبى بعد أن كنت أتعامل بقلبى، واتقرصت من ناس كتير وأنا مبسوطة بكل الفترات اللى مريت بيها، بتمنى الخير للشخص اللى كان معايا ولو جالى دور حلو ممكن أشترك معاه لأنه أصبح بالنسبة لى زميل مش صاحب".
وكشفت الزاهد عن مواصفات فتى أحلامها، قالت فتى أحلامى يكون راجل وسند وضهر ويعمل كل حاجة علشان يراضينى ويشجعنى علشان أكبر وأحس بالأمان معاه، وأنا ما بتشدش للى فى سنى وبحب الأطفال وعشان كده نفسى فى بنت وولد.