عورت نفسها بطفاية ومقص.. حسام حبيب يكشف مفاجآت جديدة بعد أزمة مشاجرته مع شيرين عبدالوهاب

علق المطرب حسام حبيب، على واقعة أزمة اتهامه بالاعتداء على طليقته المطربة شيرين عبدالوهاب، وتقديمها بلاغ ضده تتهمه من خلاله بالتعدى عليها بالضرب في فيلتها بالتجمع الخامس.

وقال حسام حبيب، خلال تسجيل صوتي ببرنامج etبالعربي: التحقيقات مازالت مستمرة وفي شهود وخلال الساعات المقبلة سوف يظهر كل شئ.

وأضاف: والله العظيم أنا ممدتش ايدي عليها هي اللي معورة نفسها بطفاية ضربتها في دماغها ومعورة رجليها بمقص.

وتابع: في شهود كتير كانوا موجودين منهم بنتها وهيقولوا الحقيقة وإني مكنتش طرف في الخناقة، ومفيش غير واحد بس هو اللي غير شهادته.

حسام حبيب: أنا مذهول من كلام شيرين عني

وكان حسام حبيب وفي أول تعليق له، قد قال في تصريح خاص سابق لـ"وشوشة" إنه لم يتعدى بالضرب على طليقته شيرين: لا طبعًا الكلام دة مش صح ومحصلش، والخناقة أنا مش طرف فيها وكل اللي عملته حوشت بينهم.

وأضاف: في حاجات شيرين عملتها وأنا مستحيل هقولها ومش عاوز أتكلم عنها بطريقة مش حلوة، وفي حاجات عملتها مع بنتها كمان مستحيل أقولها إلا أما بنتها توافق إني أقولها أو والد البنت يوافق، أنا مش طرف في القصة أصلا وعندي ذهول من كل اللي بيحصل دة أكتر من الناس.

وتابع: دة العادي بتاع شيرين أصلًا، قبل كدة طلعت قالت سرق مني وعمل حاجات وبعدها تطلع تقول مسرقش، ومن يومين قالت معاه حق وهو الصح والنهاردة تقول كدة، أنا مش عارف ليه بيحصل كدة أنا هتجنن أكتر منكم.

واختتم: أنا مذهول ونفسيًا مش مظبوط خاصة المره دي لأني مش طرف أساسًا في الموضوع كله، الخناقة كانت بينها وبين بنتها.