الموسيقيين تكشف لـ"وشوشة" حقيقة التحقيق مع حسام حبيب وشيرين عبدالوهاب بعد واقعة "العلقة الساخنة"
لا يزال الجدل حول واقعة "العلقة الساخنة"، التي نشبت بين الفنان حسام حبيب والمطربة شيرين عبدالوهاب وتحرير الأخيرة محضرًا ضده قائمًا، إذ ترددت أنباء عدّة تفيد بإصدار نقابة الموسيقيين قراراً باستدعاء الثنائي للتحقيق معهما بشأن الواقعة الحاصلة بينهما.
الدكتور محمد عبدالله، المتحدث الرسمي لنقابة المهن الموسيقية، كشف في تصريح خاص لـ"وشوشة"، حقيقة ما تم تداوله قائلًا: أخبار غير صحيحة، مينفعش أبدًا النقابة تستدعي حسام وشيرين عشان مشاكل عائلية واجتماعية بينهم.
وأضاف: مشاكل شيرين وحسام خلافات وخناقات شخصية زوجية، إزاي الكلام دة وليه النقابة تستدعيهم في حاجة زي كدة، لا طبعًا النقابة ملهاش علاقة بالأزمة دي ولا دخل لها بالخلافات الزوجية وبعيدة كل البعد عن ذلك.
حسام حبيب: أنا مذهول من كلام شيرين عني
وكان حسام حبيب وفي أول تعليق له، قد قال في تصريح خاص سابق لـ"وشوشة" إنه لم يتعدى بالضرب على طليقته شيرين: لا طبعًا الكلام دة مش صح ومحصلش، والخناقة أنا مش طرف فيها وكل اللي عملته حوشت بينهم.
وأضاف: في حاجات شيرين عملتها وأنا مستحيل هقولها ومش عاوز أتكلم عنها بطريقة مش حلوة، وفي حاجات عملتها مع بنتها كمان مستحيل أقولها إلا أما بنتها توافق إني أقولها أو والد البنت يوافق، أنا مش طرف في القصة أصلا وعندي ذهول من كل اللي بيحصل دة أكتر من الناس.
وتابع: دة العادي بتاع شيرين أصلًا، قبل كدة طلعت قالت سرق مني وعمل حاجات وبعدها تطلع تقول مسرقش، ومن يومين قالت معاه حق وهو الصح والنهاردة تقول كدة، أنا مش عارف ليه بيحصل كدة أنا هتجنن أكتر منكم.
واختتم: أنا مذهول ونفسيًا مش مظبوط خاصة المره دي لأني مش طرف أساسًا في الموضوع كله، الخناقة كانت بينها وبين بنتها.