شقيقة السندريلا لـ"وشوشة": شعرها مكانش محلوق زيرو وقالوا كدة عشان يخوفوا الناس من تغسيل جثمانها
أثارت الفنانة القديرة آمال رمزي، جدلًا واسعًا، بتصريحاتها الأخيرة حول وفاة السندريلا سعاد حسني، إذ أكدت في تصريحات تلفزيونية أن الجثمان كان بدون شعر وتمت حلاقته لها على الزيرو.
جانجاه شقيقة السندريلا، كشفت في تصريحات خاصة لـ"وشوشة"، حقيقة تصريحات آمال رمزي عن جثمان الراحلة، وقالت: كلام آمال رمزي مش صح ومش مظبوط، هي طبعًا مش هنقدر ناخد على كلامها لأنها بتحب سعاد جدًا.
وأضافت: المعلومات اللي هي بتقولها دي كانت منتشرة قبل وصول الجثمان، ومعلومة حلق شعرها دي كان قالها أكرم السعدني قبل وصول الجثمان بيوم في مجلة الكواكب، ووصف الجثمان بطريقة بشعة جدًا عشان يخوفونا ونترعب من تغسيله.
وتابعت: كل كلامهم دة مهتمتش بيه ودخلت غسلتها وكان شعرها طويل، هو مكانش لونه أسمر هو كان مختلط مع الأبيض لأن عيلتنا شعرها بيبيض بسرعة جدًا وبدري.
واختتمت: أنا غسلتها وعملتلها الضفاير وسرحت لها، كتر ألف خير مدام آمال رمزي على حبها للسندريلا، لكن اللي شوه صورتها ونشر معلومات غلط عن سعاد أكرم السعدني، حسبي الله ونعم الوكيل في اللي بيشوه صورتها وعلى اللي عملوه فيها.