منال عبداللطيف: كل الفنانين عاتبوني على تغطية شعري وبفكر أقلع الحجاب
فاجأت الفنانة منال عبد اللطيف، محبيها بتصريحات صادمة عن ارتدائها الحجاب، وقالت إنها تفكر في التخلي عنه، وفكرة خلعه تراودها؛ وذلك فى حوار تليفزيوني مع الإعلامية مروة صبري.
وقالت منال عبد اللطيف: فكرت أني أقلع الحجاب، وكل الفنانين قالولي ليه حد يغطي الشعر الحلو دة، أقلعي الحجاب، الفكرة بتراودني لأن أوقات بتوحشني منال المنطلقة، أوقات ببقى عايزة انطلق في كل حاجة.
وأضافت: برجع أقول لأ أنتي تدعي ربنا أنه يثبتك لأن دي خطوة مش هينة على طول برجع لدماغي فورًا لكن بتراودني الفكرة طبعًا بتراودني.
واستطردت: وكل ما بتيجي الفكرة على بالي وأقول يا منال اقلعي بقى الحجاب وبعدين أقول لنفسي انتي اخدتي الخطوة وقعدتي السنين دي، والفكرة اللي بتلح عليا أن إن شاء الله لما بنتي الكبيرة فرح تتجوز بفكر أني في الفرح أقلع الحجاب مش عارفة ليه بس الفكرة دي بتزن عليا ومش ضروري ألبس فستان مفتوح أهم حاجة أني أكون منطلقة لأن دايمًا الطرحة بتضايقني وأقعد طول الوقت أظبطها، وبقالي 11 سنة محجبة.
منال عبداللطيف روت قصة ارتدائها الحجاب موضحة: القرار مكنش مفاجئ وقعدت سنتين محتارة ومترددة في إني آخد القرار لحد ما جاتلي رؤية في المنام فيما معناها تزودوا فإن خير الزاد التقوى.
واختتمت بأنها بعد هذه الرؤية أخبرت زوجها بقرار الحجاب، ولم يصدقها في بادئ الأمر، ولكنها أكدت له قرارها وجدية حديثها وطالبته بشراء ملابس جديدة مناسبة للحجاب.