بعد إصابتها بسرطان الثدي.. محمد صلاح يعرض على كندة علوش العلاج فى لندن
أثارت الفنانة كندة علوش، حالة من الجدل، خلال الساعات الماضية، متصدرة التريند عبر منصات السوشيال ميديا، بعد أن ظهرت مع منى الشاذلي في بودكاست، وأعلنت عن إصابتها بسرطان الثدي، كما كشفت عن رحلة علاجها.
وقالت: محمد صلاح كلم عمرو يوسف وكان عارف إصابتي بالمرض، وقاله لو عايز تيجي لندن تكمل باقي التحاليل معنديش مشكلة، ولو عايز تيجي لندن في أي وقت لاستكمال العلاج أنا جاهز.
وأضافت: محمد صلاح كلمني مرتين وقالي انتي ليكي عيلة تانية في مصر، إن شاء الله الأيام الجاية حالتك الصحية تتحسن.
وأكدت علوش إن والدتها أُصيبت بنفس المرض، وقالت: كنا نحصل على العلاج سويًا في نفس الوقت، وربنا ساعدني بشكل مش معقول ونزل عليا سكينة وطمأنينة ورضا رهيب وعدى عليا سنة وشهر، من لحظة اكتشافي المرض وأنا لسه بتلقى العلاج الكيماوي والعلاج الهرموني وخلصت العلاج الإشعاعي، وجلسات الكيماوي بدأتها بعد أسبوعين من اكتشافي المرض وكنت باخدها أسبوعيا ورغم إننا بنسمع مآسي عنها لكن الرحلة كانت لطيفة.
جدير بالذكر أن مسلسل “ستات بيت المعادى”، كان آخر أعمال كندة، وكان من إخراج محمد سلامة، وشارك في العمل كل من إنجي المقدم، أحمد وفيق، صبري فواز، تارا عماد، إنتصار، أميرة العايدي، إنجي كيوان، وآخرين.