تامر عاشور عن شيرين عبد الوهاب: ربنا يبعد عنها كل خبيث وأناني وفاشل وممثل

نشر الفنان تامر عاشور من خلال حسابه الشخصى علي تطبيق X بوست كتب فيه معلقا علي أزمة الفنانة شيرين عبد الوهاب،: “كل اللي أقدر أقوله في موضوع شيرين عبد الوهاب، إن مفيش كلمة واحدة بس من اللي اتقالت، وانتشرت صح أنا قريب من أهل شيرين ووالدتها وأخوها، أنا برضه أقولها إنى بحبها وكل الدنيا بتحبها وتحب فنها، أهل شيرين ما ظهروش فى حياتها آخر سنتين تلاته أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من ع الأرض شيل".

وتابع عاشور قائلا:"يارب يبعد عنها كل خبيث وأنانى وفاشل وممثل، هي أطيب منهم كلهم وهم اللي وقعوها فكل مشاكلها "انت بمن حولك " لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم  بمنتهى السهوله  . انا كلت عيش وملح ف بيتها وف بيت امها واخوها وكان لازم اقول الكلام ده علشان الكلام ده هو الكلام الحقيقي ولا كلمه من اللي اتقالت واتسمعت ليها اساس من الصحه … اهل شيرين هم هم اهل شيرين من زمان قوي .. بالعقل".

وقد شارك الفنان تامر عاشور في حفل بدبي برفقة الفنان حسين الجسمي بعد أن أعتذرت شيرين عبد الوهاب عن المشاركة بسبب رحلة علاجية مفاجأة لها.  

يذكر أنه تم تسريب تسجيل منتشر عبر وسائل التواصل الإجتماعي وخصوصا منصة x والذي محتواه فويسات بصوت الفنان حسام حبيب يتحدث عن علاقة شيرين عبد الوهاب بأهلها.  

وكذلك أكد بعدها الفنان حسام حبيب طليق شيرين من خلال تسجيل صوتي أن هذه التسجيلات سرقت من هاتفه الخاص وسيقاضي من كان السبب في ذلك.