إيمي طلعت زكريا: بعاني من السحر وبحس حد بيعمل معايا علاقة وأنا نايمة

فاجأت الفنانة إيمي طلعت زكريا، محبيها بمعاناتها من الحسد والجن العاشق والذي أدى إلى وقف مشاريعها الفنية ومشاريع الارتباط والزواج، واستعانتها بالعديد من المشايخ وصولًا إلى أمين الفتوى بالأزهر الشريف.

وقالت إيمي طلعت زكريا، في تصريحات تليفزيونية: أنا كنت فاكرة إن فيا حاجة وتعطيل في حاجات كتير، وأنا مؤمنة جدًا بإن العفاريت أحياء عايشين معانا، وأول لما بابا توفي كنت دايما أسمعه بينادي عليا، وفي ليلة كنت راجعة من المسرح الساعة 1 بالليل، وكنت ماشية على الدائري في منطقة مظلمة، لقيت واحدة منكوشة بتشاور وخفت وجريت، ولما بصيت ورايا ملقتش حد، وسألت شيوخ وبعضهم قال في مس أو سحر أو عمل بوقف الحال.

وأضافت: وأنا طول عمري زي باقي البنات بحب أقف قدام المرأة وأرقص، ومن وأنا صغيرة وعمري 15 سنة كنت كتير أحلم إن في حد معايا في علاقة كأني متجوزة.

وتابعت: أحس بيها وأنا نايمة من غير ما أشوف حد، لغاية ما سألت أمين الفتوى في الأزهر الشريف ونصحني إني مركزش في أي حاجة، وفي ناس قالتلي ألبس أبيض وأنا نايمة أو أولع شمعة وأصحى تاني يوم ملاقيش ليها أثر.

يذكر أن آخر أعمال إيمي كانت مسرحية الصندوق الأحمر، والتي عرضت في موسم الرياض، من إخراج طارق الإبياري، ويشارك في بطولتها إلى جانب النجمة ليلى علوي، كل من: بيومي فؤاد، رنا رئيس، نور إيهاب، سليمان عيد، ميمي جمال.