ويزو: كنت أشعر برعب شديد من شريف عرفة

كشفت الفنانة ويزو، عن كواليس فيلم "اللعب مع العيال" مؤكدة كنت بموت أول يوم تصوير ومبهورة بالشغل مع شريف عرفة وكنت أشعر برعب شديد في أول يوم تصوير للعمل.

وأضافت ويزو في لقاءها مع الإعلامية فاطمة مصطفى ببرنامج الراديو بيضحك والمذاع على راديو 9090، أنا بجسد دور كابتن وحواليا بدي جورد وكل هدفي اني اتجوز محمد إمام في الفيلم لأني بحبه فده التاريجيت بتاعي طول الفيلم والجديد عليا في الفيلم هو اني مش ببتسم ابتسامة واحدة والحقيقي أنه ده طلع افضل كتير من اني أطلع اضحك في المشاهد الكوميدي.

وأضافت ويزو عن تعاونها مع المخرج شريف عرفة كان مركز جدا مع الشخصية بأدق تفاصيلها وأنا مبهورة بيه وبالعمل معاه وهو معندهوش هزار في التمثيل، وفي أول يوم تصوير كنت مرعوبة وهموت من سرعة ضربات قلبي لانه كان معايا محمد إمام وشريف عرفة فمكس كدة رهيب وبنصور مشهد الدخلة فكان الموضوع كبير اوي عليا.

وعن كواليس العمل مع المخرج شريف عرفة داخل لوكيشن تصوير فيلم اللعب مع العيال قالت ويزو شريف عرفة ممنوع فيه انك تدخلي ولا أكل ولا شرب ولا سجائر وأنا لازم يكون في حاجة باكلها عشان تنشطني وهو لو حد بس كان بيشرب كان يدي الكوباية للمساعدة مش لأي حد بس أنا كنت مبسوطة حتى أما كنت بخلص مشاهدي كنت بفضل قاعدة بصاله بس كدة أستاذ شريف بيرسم حركة الفنانين الأول وعملت معاه ديل قولتله كل يوم تصوير هاخد صورة معاك عشان أوثق اللحظة وبقي الوقت اللي بيكون رايق فيه أنا مكنتش باخد بريك في الآوضة كنت باخد بريك معاه.

وعن بداية ترشيحها للمشاركة في فيلم اللعب مع العيال قالت ويزو هما كلموني قالولي عايزين نحدد معاكي معاد عشان تقابلي المخرج شريف عرفة وقتها قومت وقفت لانه كان حلم من أحلامي وكنت متحمسة جدا اما دخلت الفيلم وركزت فيه جدا.