نجوى فؤاد لـ"وشوشة": الشعراوي قالى الرقص مش حرام وده طريق وربنا قسمهولك

أثارت الفنانة نجوى فؤاد، حالة من الجدل، خلال الساعات الماضية، وذلك بعدما خرجت في أحد اللقاءات التلفزيونية، وتحدثت عن حوار دار بينها وبين الشيخ متولي الشعراوى حول الرقص، وقالت إن الأخير أكد لها أن الله فتح لها باب رزق من الرقص من أجل أكل العيش.

نجوى فؤاد ردت على جدل تصريحاتها عن نصيحة الشعراوى لها وقالت: "يعني عاوزة أفهم، مصر كلها مافيهاش مشاكل غير حتة لقاء عملته؟، كل الإعلام مجتمع عليا بسبب لقاء؟ دة فقر ولا جوع ولا إيه دة؟.

وأضافت: هو أنا قلت إيه يعني؟، أنا سألت الشيخ الشعراوي قلتله اللي بشتغله دة حرام ياشيخنا؟ قالي لأ ياحبيبتي ده ربنا هو اللي قسملك الطريق دة تمشي فيه.

وتابعت نجوى فؤاد: قولتله هتحاسب إزاي قالي لأ مش أنا اللي هقولك ده، حسابي وحسابك وحسابنا كلنا عند ربنا، هو ده كل اللي حصل، الدنيا مقلوبة ليه عليا هو أنا كفرت في حاجة أستغفر الله العظيم يارب؟.

وكانت نجوى فؤاد قد قالت في تصريحات تليفزيونية: "مرة سألت الشيخ الشعراوي، كنا في طائرة واحدة عائدين من الغردقة، وسألته هو الرقص حلال ولا حرام، قال لي لو حرام أو حلال، مكنش ربنا فتح لك السكة دي، ومكنش نجحك فيها، هو اللي قسم لك كدة، الحساب بقى عنده".

واختتمت: هو قال لي لا أقدر أقول لك حرام أم حلال، لكن ربنا فتح لك الطريق دا عشان تاكلي عيش منه، محرمش ومحللش، ولكن قال لي في حساب عند ربنا بقى، وأنا ماعملتش حاجة عشان أتوب.