نهى عابدين: الحياة يوجد بها أشياء كثيرة غير عادلة
قالت الفنانة نهى عابدين، إن الحياة يوجد بها أشياء كثيرة غير عادلة آه قولت كدا بس بهزر بنشوف ونسمع بلاوي كتير في محكمة الأسرة إحنا بني آدمين وبنتأثر أكيد بس القوة إن انتي متسمحيش للخارج يأثر عليكي تبقي عاملة حماية ليكي من جوه.
وأضافت من خلال برنامج «كلام الناس» المذاع على قناة «mbc مصر» اليوم الخميس، وفي حاجة قريتها كانت عجباني قوي السفينة مبتغرقش في البحر بس بتغرق لما المياه تدخل فيها انتي زي السفينة بس انتي في بحر مغرقتيش امتى هتغرقي لو المياه دخلت لـ جوه فعلا ممكن نتأثر لو ده قدر يخترقنا ممكن نتأذي طبعا وممكن يأثر علينا طبعا بس القوة الحقيقية إنك تكوني عاملة حماية لنفسك إن كل المحيط ده ميأثرش عليكي.
وسألت ياسمين هل انتي كنتي سهلة الاختراق في فترة ما لما جالك اكتئاب ولا كان وقتها لسة معندكيش الحماية الذاتية اللي انتي عملاها دلوقتي وكل الناس بتمر باكتئاب وده شيء طبيعي, وأجابت نهى الممثل لحم ودم ممكن يعدي بفترات عدم اتزان ويعدي بفترات مش شايف الأمور بشكل صحيح وممكن ياخد قرارات غلط ومش بس الممثل ومش غلط أنه يشتغل على نفسه ويكون عنده وعي هو وصل لـ الحتة دي ليه لأن في ناس بيكون عندها إنكار ودي كارثة.