ميمي جمال: "عملت عملية تجميل علشان أخبي تجاعيدي"
الخميس 08/سبتمبر/2022 - 09:39 م
وشوشة
أميرة عبدالهادي
قالت الفنانة ميمي جمال: "أنا لست ضد عمليات التجميل ولكن بشرط أن يكون فيه مشكلة تستدعي إجراء تلك العمليات".
وأضافت خلال لقائها ببرنامج "الستات" الذي تقدمه سهير جود ومفيدة شيحة بقناة "النهار": "أنا في عيوب في وشي عارفاها بس بالمكياج بخفيها دون الحاجة الي اجراء عمليات تجميل".
ولفتت: "عملت مرتين فيلر وبوتوكوس علشان أخفي التجاعيد، وبسببهم مكنتش قادرة أمثل ولا أظهر تعابير وشي بشكل كويس، وانا متصالحة مع الزمن واحنا اكيد بنكبر في السن وفرحانة بملامح وجههي".
وأشارت: "أول لما بدأت حياتي الفنية مكنش عندي أي مانع أعمل دور راقصة أو مشاهد ساخنة واغراء لإني الموضوع كان ماشي معايا شكلا وموضوعا، وبناتي واحفادي منعوني من تقديم المشاهد الساخنة اللى كنت متعودة اعملها زمان وكمان انا مقتنعة ان لكل سن طبيعة ادواره ونوعية لبس وشكل معين وانا محترمة عمري".
