رئيس مجلس الإدارة
محمود إسماعيل
الإشراف العام
أحمد الهواري
رئيس مجلس الإدارة
محمود إسماعيل
الإشراف العام
أحمد الهواري

شهيرة: فكرت منذ أسبوعين في اللجوء إلى طبيب نفسي لهذا السبب

شهيرة
شهيرة
قالت الفنانة شهيرة: "متقبلة إني كبرت في السن لكنه واقع مزعج، وأنا قاعدة لوحدي في البيت والواحد ما يقدرش يتحملها، وساعات رانيا تقول لي أنتِ بقيت حساسة زيادة عن اللزوم، فأقول لها علشان كبرت، لكن في شبابي كنت بتجاوز بسهولة".

وأضافت خلال لقائها ببرنامج “كلام الناس” المذاع على قناة “إم بي سي مصر”: "في الوحدة وبعد رحيل محمود ياسين وأنا نايمة على السرير بنادي عليه وبحس إنه بيرد عليَّ وبيتجاوب معايا".

وأكدت: "فكرت ألجأ إلى طبيب نفسي من أسبوعين لأني حسيت إني لازم أتكلم مع حد يسمعني ويخرجني من اللي أنا فيه، وبعدين تركت الفكرة وقلت لأ بلاش، بس جيت في وقت كنت محتاجة أبقى مع طبيب نفسي يمكن يساعدني في الخروج من الحالة النفسية الصعبة اللي فيها والوحدة اللي عايشاها، أنا مش عايزة مهدئات ولا منومات ولا حاجة لأني مش محتاجة غير إني أتكلم وأقول اللي جوايا وألاقي حد يسمعني".