عادل إمام: لازم تكون "سوبر مان" على المسرح

يحتفل، اليوم الجمعة 17 مايو، النجم الكبير عادل إمام بعيد ميلاده الـ 84، والذي يعد حالة استثنائية في تاريخ الفن العربي.

وينشر موقع "وشوشة"، جزء من تسجيل صوتي نادر لقصة حياة الزعيم عادل إمام، خلال حوار صحفى قديم أجراه معه الصحفي الكبير الراحل يوسف خليفة عام 2002.

وتحدث فيه الزعيم عن طقوسه قبل الصعود علي خشبة المسرح وارتباطه بالمسرح، قائلا: "أنا بشتغل مسرح من أيام "مدرسة المشاغبين"، وطبعا اشتغلت قبلها، ومن أيام مدرسة المشاغبين إلى الآن لم أغفل عن تقديم مسرح يوميا.

وتابع الزعيم قائلا: “طبعا فيه إجازات ومعرفش ليه الأيام دي متصورين أن لازم المسرح يشتغل طول السنة!.. طول عمرنا متعودين إن فيه موسم شتوي وموسم صيفي وبينهم إجازة وأنا بعمل كده لغاية دلوقتي، ممكن يزيد أسبوع يقل أسبوع، ولكن حسب الحالة الاقتصادية والموسم، لكن لازم يبقى في إجازة”.

وأضاف: ببدأ اليوم من أول ما أقوم من النوم لازم نظام اكل كويس ومعين لازم أعود نفسي الحمام وماكلش كتير لازم احافظ علي صحتي معرفش اكح معرفش يجيلي انفلونزا ممنوع لازم تبقي "سوبر مان" وأنت  علي المسرح.

وأكمل الزعيم عادل إمام في هذا المقطع حديثه عن تفاصيل يومية يقوم بها قبل صعود المسرح وحالة المعايشة مع الشخصية التي يقدمها.